ARYA PENANGSANG
Kerajaan
Demak kala iku dipimpin karo Raja kang asmane Raden Patah. Raden Patah duwe
permaisuri kang menehi keturunan yaikuSultan Trenggana,Sunan Prawata lan Nyai
mas Kalinyamat. Saka salah sijine selire dheweke nduweni keturunan yaiku
Pangeran Jipang. Pangeran Jipang sing manggon ana Jipang.
Ing
sawijining dina,Raden Patah seda lan kekuasaan pemerintahan kuwi dadi pewaris
putrane sing nomor siji yaiku Sultan Trenggana. Bareng wis pirang-pirang taun
olehe merintah lan nguwasani kerajaan Demak,piyambake seda. Nalika iku Sultan
Trenggana ora nduweni keturunan. Amerga kuwi,kekuasaane kerajaan Demak dadi
rebutan Sunan Prawata karo Raden Patah.
Demak dadi konflik sing nyebabke perang sedulur. Demak dadi akeh konflik
lan ora tentrem kaya mulane. Ing perang iku sing menang wusanane yaiku Sunan
Prawata. Pangeran Jipang mati ing tangane Sunan Prawata. Tahta kerajaan tiba
ning tangane Sunan Prawata.
Nalika
iku pangeran Jipang duwe keturunan arane Arya penangsang. Kala iku Islam lagi
dadi agama kang disinauni karo wong akeh. Arya penangsang merguru karo Sunan
Kudus. Ning kana Sunan kudus ngendika karo Arya Penangsang yen bapake kuwi
dipateni karo Sunan Prawata,ora liya Raja Demak sing isih sabapak karo bapake
Arya Pennagsang. Ngerti kabar kaya ngana kuwi Arya Penangsang sing watake
emosinan,gampang nesu, muntab atine.
Saka
Jipang Arya Penangsang langsung nggawa pasukan sing jumlahe padha akehe karo
pasukan kerajaan Demak. Dheweke mara Demak nggoleki Sunan Prawata lan arep
nuntut bales merga bapake sing wis dipateni mau. Dheweke ora trima bapake
dipateni,mula isa ora isa dheweke kudu mateni Sunan Prawata.
Bareng
tekan kana,kedadean perang sing wis nyebabke patine wong akeh. Sunan Prawata mlayu
ning Semarang. Kedadean perang gedhe,pungkasane Sunan Prawata nemu patine ning
tangane Arya Penangsang. Arya Penangsang isih ora terima,dheweke langsung mara
ning Jepara nemoni Pangeran Kalinyamat sing wis dianggep ngrewangi Sunan
Prawata mateni Bapake yaiku Pangeran Jipang kala iku. Pangeran Kalinyamat uga
nemu patine. Arya Penangsang lega banjur bali dadi Adipati ning Jipang.
Kala
iku ora ana sing wani nandhingi
Arya Penangsang. Merga dheweke sekti,lan uga ora bisa ketanding marang sapa
bae. Ora ana sing wani karo dheweke. Apa maneh Arya penangsang kekuwasaane
gedhe banget ana dhaerah Jipang.
Weruh
kedadeyan yen sedulure yaiku Sunan Prawata lan sisihane dipateni karo Arya
Penangsang,Nyai Kalinyamat sing garwane Pangeran Kalinyamat ora terima. Dheweke
banget olehe lara ati karo sing jenenge Arya Penangsang. Banjur Nyai Kalinyamat
tapa ing sawijining gunung. Tapane kuwi ora klamben utawa wuda. Sing dadi
gantine nutupi aurote yaiku rambute kang dhawa. Banjur dheweke ngadhakake
sayembara sing unine sapa wae sing isa mateni Arya Penangsang bakal diwenehi
imbalan yaiku bakal ngentuke dhaerah Kalinyamat lan Prawata. Dheweke uga gelem
ngabdi saumur uripe karo sapa wae sing wis mateni Arya Penangsang.
Ing
sakliyane kuwi,Arya Penangsang kuwi jebule dhuwe adhi jenenge Sultan Pajang
sing nguwasani dhaerah pajang. Adhine iku uga padha-padha merguru ning Sunan
Kudus. Nanging sing paling disayang yaiku Arya Penangsang. Sunan Kudus
ngendika,yen Arya Penangsang arep dadi panguwasa tanah Jawa kudu mateni
adhine,Sultan Pajang. Sunan Kudus nyaranke yen Sultan pajang dipateni lan
diculik wae tanpa ana sing meruhi. Carane,Arya penangsang ngongkon uwong kanggo
nindhake kabeh mau. Arya Penangsang nyaguhi apa sing disaranke karo gurune mau.
Ing
wayah wengi nalika Sultan pajang lagi turu karo para garwane sing turu ning
ngisor. Dheweke sare selimutan kain jarit. Mara-mara ana wong papat mlebu arep
mateni Sultan Pajang. Ditujep-tujep wetenge ora bisa. isih wae Sultan mau turu.
Bareng ngana para garwane padha tangi,njerit-njerit keweden meruhi Sultan
pajang arep dipateni karo maling. Wong papat mau mlayu. Barang keprungu ngana
Sultan Tangi lan nakoni garwane. Garwane padha mangsuli yen Sultan arep
dipateni karo wong papat iku. Sultan Pajang banjur nggudhag maling mau.
Maling-maling sing ora liya utusane Arya Penangsang mau kecekel lan ora bisa
obah-obah sanalika. Banjur ditakoni sapa sing ngutus wong papat mau. Amarga
keweden banjur padha mangsuli yen sing ngangkon kuwi Arya Penangsang.
Utusan-utusan mau banjur diapura lan diwenehi dhuwit lan mas-masan sekanthong.
Banjur bali mara Jipang.
Para
utusan ngadhep ning Arya Penangsang. Matur yen ora saguh mateni Sultan Pajang
merga sekti mandraguna lan ora bisa dipateni sanalika. Arya penangsang gela
atine. Dheweke banjur ngaturi pirsa marang Sunan Kudus yen ora kasil olehe
mateni Sultan Pajang. Sunan Kudus nyaranke yen Sultan pajang diutus wae mara
Kudus,keperluane bab rembugan ilmu.
Sunan
Kudus banjur ngirim utusan mara Pajang. Ngerti yen ditimbali mara Kudus karo
gurune,dheweke bingung. Banjur para penasehate matur yen kudu ati-ati menyang
Kudus,senajan iku ngadhep gurune dhewe. Mbok menawa iku mau ana sangkut paute
karo utusan sing arep mateni Sultan pajang wingi-wingi. Sultan Pajang tetep
mara Kudus ananging nggawa pasukan,jaga-jaga yen menawa kedadeyan perang gedhe.
Dheweke mangkat nunggang jaran.
Tekan
Kudus,utusane mara laporan ning Sunan Kudus yen Sultan Pajang rawuh. Sunan
Kudus ngutus Arya penangsang diutusnemoni Sultan pajang ning pendapa. Dheweke
uga wis nduweni siasat arep mateni Sultan Pajang ning kana uga karo kerise.
Utusan Sunan Kudus mau matur yen Sultas Pajang diutus nemoni Arya Penangsnag
ning pendapa. Sultan pajang ditutake karo para pengawale sakiwa tengene lan
tetep waspada ngadhepi swasana ning kana.
Sultan
Pajang banjur lungguhan adhep-adhepan karo Arya Penangsang. Arya penangsang
banjr takon karo Sultan Pajang bab keris sing digawa kanggo ngadhep karo Sunan
Kudus. Wangsulane yen keris sing digawa gur kerise dheweke sing lawas. Kerise
mau banjur dijupuk Arya Penangsang saka lungsungane. Nanging banjur tanggap
Sultan Pajang ngoyok kerise maneh. Banjur Sunan Kudus marani kelorone mau sing
lagi tudhing-tudhingan keris.
Sunan Kudus takon ana apa kok padha nudhuhake
kerise dhewe-dhewe. Banjur diwangsuli sengak karo Arya Penangsang yen durung
wayahe dheweke nggawe Randa bojone uwong. Disengaki baik karo Sultan Pajang yen
dheweke uga urung wayahe makani manuk gagak. Krungu ngana kuwi Sunan Kudus
banjur ngendika yen ora usah padha geger mendingan padha bali dhewe-dhewe
menyang panggonane. Mesthi padha ditimbali maneh mengko. Kelorone bali menyang
panggonane dhewe-dhewe.
Ning
tengah dhalan para pengawale Sultan Pajang ngaturi Pirsa yen Nyai Kalinyamat
semedi wudha merga atie lara banget ngerteni kangmase lan bojone dipateni Arya
Penangsang. Dheweke ora terima yen nggawe sayembara,sapa wae sing bisa mateni
Arya Penangsang,dheweke bakal ngabdi marang sing mateni mau lan menehi kabeh
bandhane karo wilayah kalinyamat uga prawata.
Ing
kene ana rong versi cerita ngenani sing mateni Arya Penangsang. Kaping
pisan,nyeritake yen ana utusane Sultan Pajang yaiku ki Pamanahan Lan Ki Panjawi
mau ngaturi pirsa bab Nyai Kalinyamat mau. Banjur Sultan Pajang nemoni Nyai
Kalinyamat mau. Dheweke teka marang panggonan Kalinyamat mau tapa. Ning kana
ketemu karo utusan-utusan saka Nyai Kalinyamat. Ki pamanahan lan Ki Panjawi mau
ijin arep ketemu karo Nyai Kalinyamat marang para utusan-utusane uga
pengawal-pengawal.
Bareng
padha ketemune Nyai Kalinyamat mau ngendika lan nyuwun tulung banget karo
Sultan Pajang kanggo mateni arya Penangsang. Bareng ngana Sultan Pajang
mangsuli yen dheweke arep mikir-mikir dhisik merga sing dilakoni iki bakale
abot banget. Dheweke janjeni bakal ketemu maneh karo Nyai Kalinyamat seseuk
bengine. Diomongi kayaa ngana mau Nyai Kalinyamat nyaguhi. Nanging saungkure
Sultan pajang saka manggone Nyai kalinyamat mertapa. Utusan-utusane yaiku Ki
Pamanahan lan ki Panjawi ngadhep Nyai Kalinyamat. Bakal kelakon apa sing
dikarepake Nyai kalinyamat yen Sultan pajang mau diiming-imingi wadon loro sing
ana ing sajabane pintu mau. Nyai kalinyamat mau nyaguhi. Utusan mau mbalik ning
Pajang lan matur apa sing wis dirembugake karo Nyai kalinyamat. Sultan Pajang
banjur saguh karo sing arep diwenehake marang dheweke kuwi.
Banjur
ki Pamanahan lan Ki panjawi ngatur siasat karo Sultan pajang. Sesuke,ki
Pamanahan lan Ki Panjaw nekani uwong sing kulinane golek pakan jarane Arya
Penangsang. Wong loro mau njaluk supaya uwong sing ngabdi ning Arya Penangsang
mau gelem dijaluk kupinge. Awale ora gelem,bareng sakwise diancam banjur gelemi
nuruti lan diwenehi dhuwit.
Kupinge
dicentheli layang sing isine Arya penangsang ditantang mara Bengawan sore. Abdi
mau mara ning istanane Arya Penangsang nanging dicegat karo Mentaun yaiku
patihe Arya Penangsang,ditakoni bab kupinge sing diganti karo layang. Abdi mau
ora dientuke mlebu nanging ucul saka Mentaun banjur mlebu ngadhep Arya
Penangsang sing lagi dhaharan. Arya Penangsang muntab atine meruhi isi layang
mau. Dheweke lunga dhewe nunggang jarane kang aran Gagak Rimang tanpa prajurite.
Sakjane wis dicegat lan wis dipenggak karo Patih Mentaun ananging Arya
Penangsang tetep meksa. Bareng tekan bengawan sore mau,Arya penangsang mau
diserang karo wong akeh saka wargane Pajang. Dheweke dikeroyok nganti ususe
mberodhol saka wetenge. Ning kana mau akeh sing mati merga jarane Arya
penngsang uga ngamuk nyempar uwong-uwong.
Saka
mburi ki Panjawi lan ki Pamanahan ngeculake jaran wadon,sing nggawe jarane Arya
penangsang ora bisa dikendhalikake. Ngerti kesempatan ngana kuwi banjur Ngabehi
Lor nombak Arya Penangsang karo tombak Kyai Plered. Arya penangsang banjur
tewas sanalika.
Sawise
kuwi Ki Pamanahan lan Ki Panjawi laporan karo Sultan Pajang. Wong loro mau
ngira ngabehi Lor kuwi isih enom dadine ora perlu diwenehi tanah kanggo
merintah,mendingan diwenehi klambi sing apik-apik wae. Saka iki ki Pamanahan
karo Ki panjawi sepakat yen wong loro mau bakal ngakoni yen sing mateni Arya
Penangsang dheweke sakloron mau. Dheweke
sakloron diwenehi tanah kanggo merintah karo Sultan Pajang.
Bareng
ngana banjur ngadhep Nyai Kalinyamat. Nyai Kalinyamat lega atine merga Arya
Penangsang wis nemu patine. Nyai Kalinyamat sing mau wis janjeni arep menehke
kabeh kekuasaane sarta hartane,banjur ditolak karo lelorone.Merga wis diwenehi Sultan
Pajang tanah kanggo merintah. Banjur milih diwenehi selire wae kanggo Sultan
Pajang. Nyai kalinyamat nyaguhi nanging sing tuwa ben melu dheweke kanggo
ngrumati dheweke. Sultan pajang banjur milih salah sijine selir bekas bojone
mau nanginganah kanggo merintah karo Sultan Pajang banjur dititipke Ki
Pamanahan amarga isih cilik. Nyai Kalinyamat ngabdi karo Ki Pamanahan.
Kaping
pindha ceritane sing bisa nyaguhi sayembara kuwi adhine ipe Nyai Kalinyamat
yaiku Jaka Tingkir. Jaka Tingkir mau ngutus Danang Sutawijaya. Kerungu yen
ditantang Arya Penangsang mara ing Bengawan sore banjur kedadeyan perang.
Kedadeyan perang mau,Arya Penangsang saya muntab atine,saya ngamuk merga
dheweke sing sekti mandraguna kuwi ditantang karo uwong sing durung mesthi
sekti kaya dheweke.
Danang
Sutawijaya dhuwe taktik. Minangka kae jarane Arya Penangsang kang arane gagak
Rimang kuwi iku lanang. Banjur dheweke nunggangi jaran wadon. Wektune perang
temenan kedadeyan. Jarane sing dienggo kuwi jaran Lanang. Dheweke nunggang
jaran wadon.
Arya
Penangsang perang karo Danang sutawijayo karo nunggang jaran. Ngerti jarane
Arya Penangsang angel dikendalekake,danang Sutawijaya banjur nombak karo tombak
kang arane kiyai Plered. Ususe Arya penangsang mbrodhol. Nanging Arya
Penangsang isih nduweni kekuatan kanggo ngelawan Danang Sutowijoyo. Ususe sing
mberodhol mau dililitke ning kerise dheweke nganti ora bisa diudhari maneh.
Kelorone perang nganti geget banget.
Nanging ora sengaja Arya Penangsang ning tengahing perang mau njabut kerise.
Saka kuwi dadi patine Arya penangsang. Akhire Danang sutowijaya mau menang.
Arya penangsang mati merga emosine dhewe tanpa bisa mikir logis.