geguritan

POLAH NOM-NOMAN SAIKI

Nom-noman saiki wis keplarak ning neraka donya

Padha adus ning lumpur dosa tanpa wedi karo Gustine

Yen dikandhani jare merga tresna

Kudu kepriye yen wangsulane babagan rasa

Rasa kang gawe wuta kabeneran

Jejogedan ning kawah neraka

Gawe dosa sing indah ning donya

Lan nglunturake apa sing dadi piwelinge agama

Sapa sing arep disalahke?

Yen rasa dadi alasane

Sapa sing arep nanggung sakebahane?

Yen kabeh kuwi wis dadi budaya sing kepalang tanggung

Mung ati lan cipta sing bisa owah

Owah kanthi gawa rasa sing nertibake polahe

geguritan

MRIPAT

Mripat iki panggone ning ngarep

Ora ning mburi

Mripat iki mung bisa ngingeti ngarepe

Ora bisa ngingeti sak mburine

Kejaba yen awak iki mubeng mengguri

Nanging apa gunane?

Iki wis takdire mripat kudu ngingeti mengarep

Ora mengguri

Aja delok apa sing wis dilakoni ning mburi

Aja noleh mburi

Yen sejatine mripat wis digawe

Kudu ngingeti lurus sak ngareoe

Ora sak mburine

geguritan

BANJIR

Banyu mili mbludag

Banyu kang kecampuh lumpur

Kabeh pada ing sak ngisore banyu

Menungsa bingung padha golek panggon

Playon golek sing ora teles

Golek sing ora ana banyu gawe awake kelep

Sak liyane padha kemambang merga ora bisa mlayu saka banyu kuwi

Sampah-sampah padha melu kemamban

Reged.... kumuh...

Yen ngene sapa sing arep disalahke?

Mbiyen alas padha ditembang

Kali digawe panggonan guwak sampah

Terus jaluke piye?

Ning donya karek manggoni ora bisa jaga

geguritan

GOLEK ILMU

Kabeh lair diwenehi pikiran

Ora ana wong bodho

Sing ana mung wong sing males

Nanging apa sing wis kedadean saiki?

Sing bisa nduweni ragad

Padha sakepenake dhewe

Sing ora nduweni ragad

Ngaplo mung bisa deloki

Apa iya arep ngene terus?

Yen sing butuh ilmu uga isih akeh

Isih padha akeh sing gelem

Ora terima golek titel lan status

Kanggo kerja kepenak lan kajen

Nanging kasunyatane

Ilmu sing diduweni mung keplarak

Mili saka pikiran dibuwang alon-alon

Lan disepelekake

geguritan

LALI

Dening: Kus Tajianto

Sabenere kita asring gegojegan

Antaraning wong nonton layar tancep ing lapangan bal

Sabenere kita asring padudon

Antaraning gela karo lila

Sabenere kita bebareng ngejawantah ing palagan iki

Kaya banyu wantah sing mbokombe

Kaya omong kosong sing mbokrungu

Sabenere kita tan nate bener

Saliyane ngaku bener

Yen pinuju wengi

Aku nggagas

Apa garbane ibu ya elok kaya donya iki

Apa papane Gusti ya peni kaya plataran sing kebak cah-cah

Dolanan rumpetahun

Kapethik saka: Panjebar Semangat