geguritan

MEGURU MARANG ANGIN

Dening : Eko Nuryono

Pranyata obahe mangsa lan wektu

Ora bisa nyandhet obahe lakumu

Pengkuhe tatanan lan kahanan ora kuwawa

Ngunjara blegere wujud lan awakmu

Mbok ampingi saben wektu lakune srengenge

Mbok larapake saben wengi jangkahe mbulan

Kaya-kaya tanpa ana rasa kesel kang bisa mampir

Ah,ibu endahe saupama uripku

Bisa linuru lan manjilma kadya angin

Dimen ati tansah tatag ngadhepi kanyataan

Kang saben dina sanggan urip kang teka

Tansaya rinasa abot iki

(2011)

Kapethik saka: Panjebar Semangat