geguritan

MUSEUM SEPUR AMBARAWA

Dening Triman Laksono

Wayah tengange

Ngetungi dawane wesi jaman

Wis kaclum marang tembok-tembok lelakon

Tansaya suwe,tansah ngawe-awe ati

Ngiris kekarepan kang sumampir ana pundhak

Bareng tekane sepur pungkasan,mandheg salawase

Iki wektu,pancen dudu kahanan sakawit

Tansah bisa nggawa rasa pangrasa

Kebak ngarep-arep sapa kang teka

Nanging mung bakal mrangguli tandha

Stasiun Ambarawa,pungkasan jaman

Etungan mung kari petung