geguritan

LUMRAH

Dening: Ulfa Rahmawati

Jaman owah

Pokal ora nggenah saya nggladrah

Yen sinaruwe mere-mere

Yen diuja saya ndadra

Apa lumrah?

Jaman luntur

Tutur saya nglantur

Tumindak saya ngawur

Amung bandha kang sinedulur

Apa uga lumrah?

Lumrah

Wis dadi murah

Tinemu ing sak wayah-sayah

Nanging tekon lan trekah

Kang nggenah lan lumrah

Kang durung murah

Lan durung lumrah

Kapethik saka: Antologi Geguritan