geguritan

MAKARYA

Dening Madagumilang

Yagene mung sedhakep ngekep dhadha

Jare yen ora ubet ora bakal isa ngliwet

Kejaba sliramu nembe tegel ngguwak kalodhangan saengga ora kumanan

Rejeki kang tumiba ing saurute dalan panguripan

Ora tangeh tansah dadi rebutan

Mula bener,yen ora obah sengara bisa mamah

Senadyan kakarepane ati golek gampange

Kaya mung pengin wira wiri wareg lan bola bali

Kapethik saka: antologi Geguritan